Вчера околу 14:05 часот, во Полициската станица за граничен премин и граничен надзор Меџитлија, полициски службеник се здобил со повреда на раката. Инцидентот се случил додека тој го проверувал своето лично оружје и случајно испукал куршум.
Од МВР информираат дека веднаш биле известени јавен обвинител, Одделот за внатрешна контрола, криминалистички истраги и професионални стандарди, како и трудов инспектор. Се преземаат мерки за целосно расчистување на случајот.
