Казните се издаваат на сопствениците на возилото. Доколку прекршокот го направи друг возач, сопственикот треба да го пријави во рок од 8 дена и да го доведе возачот кој го сторил прекршокот во надлежната полициска станица.
Таму прекршителот дава изјава дека ја презема и признава казната за сторениот прекршок. Истото може да се направи и преку потпишана нотарска изјава, според правните поуки од записникот опомена, на кој имавме увид.
За целосно функционирање на овој систем, потребно е Собранието да ја донесе измената на Законот за прекршоци, кој е во парламентарна процедура.
Проектот „Сејф сити“ има за цел да го намали бројот на жртви во сообраќајот и бројот на сообраќајни прекршоци.
