Жител на тетовско село, на возраст од 66 години, пријавил во полиција дека бил измамен за 250 евра од лице кое му ветило дека ќе му „среди“ добивање социјална помош – „туѓа нега“.
Според пријавата, измамникот тврдел дека неговата сопруга е член на комисија во Центарот за социјални работи во Тетово и дека може да ја „заврши работата“. Откако оштетениот му ги предал парите, измамникот престанал да се јавува и не ја исполнил ветената услуга.
Случајот, кој се случил во јуни годинава, бил пријавен вчера во СВР Тетово. Од полицијата соопштија дека се преземаат мерки за целосно расчистување и документирање на измамата.
