ПРВ.мк
Македонија

Возачи, внимавајте! Сообраќајот во овој правец целосно стопиран по сериозна несреќа

Возачи, внимавајте! Сообраќајот во овој правец целосно стопиран по сериозна несреќа
Kristal

Утрово од 8:30 часот магистралниот пат Куманово–Крива Паланка е целосно затворен поради сообраќајна несреќа, информира Автомото сојузот на Македонија (АМСМ).

Дополнително, на 28.11.2025 година во 17:45 часот регионалниот пат Р1105, на делницата од селото Јосифово до селото Пирава, поради обилни врнежи од дожд повторно е надојдена Калковска река. Сообраќајот е пренасочен за сите видови возила кон магистралата А1, од селото Удово кон селото Марвинци.

АМСМ информира дека сообраќајот на останатите државни патишта се одвива непречено, но по влажни коловози.

Од 15.11.2025 година важи законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година.

Интензитетот на сообраќајот на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што постои можност од појава на одрони. Ова посебно важи за делниците Катланово–Велес, Маврово–Дебар–Струга, Виница–Берово и Кочани–Делчево.

Escape