На 27.11.2025 година, околу 01:47 часот, на патниот правец Ресен–Прилеп, патничко возило „Сеат Леон“ со демирхисарски регистарски ознаки, управувано од В.И. (18) од Демир Хисар, излетало надвор од коловозот и удрило во метална заштитна ограда.
Во несреќата, возачот се здобил со тешки телесни повреди, додека неговиот 17-годишен сопатник од село Журче, Демирхисарско, се здобил со телесни повреди. Повредените веднаш биле пренесени во Клиничката болница Битола за медицинска помош. На местото на настанот извршен е увид од страна на јавен обвинител и увидна екипа од СВР Битола за да се утврдат сите околности на несреќата.
