Нашите заби се огледало на нашата насмевка – првото нешто што луѓето го забележуваат кога ќе се насмееме. Но, иако изгледаат цврсти и отпорни, забите често се под невидлив напад од секојдневните навики и храни што мислиме дека се безопасни. Некои од нив се вистински тивки непријатели – делуваат полека, но остават трајна штета.
Една од најопасните стапици се преработените јаглехидрати. Тие изгледаат невино, но во устата се претвораат во шеќер – омилена храна за бактериите што живеат таму. Тие бактерии создаваат киселина која тивко ја разјадува емајлот на забите, оставајќи ги сѐ поосетливи и послаби.
Ако мислите дека алкохолот е безопасен во мала количина – внимавајте. Тој ја суши устата и ја намалува плунката, а таа е природниот штит на вашите заби. Без доволно плунка, бактериите имаат целосна слобода да делуваат.
Дури и нешто толку едноставно како џвакањето мраз може да биде ризик. Мразот е тврд и ладен – комбинација што може да предизвика пукнатини, болка и чувствителност.
Следниот непријател е сладок, леплив и изненадувачки опасен – сувото овошје. Иако изгледа здраво, оваа ужина се лепи за забите и создава идеална средина за развој на кариес.
Но тоа не е сѐ. Војната против убавата насмевка ја продолжуваат и енергетските и газираните пијалаци. Нивните киселини и шеќери се вистинска катастрофа за емајлот – буквално го раствораат. Дури и лимонот и лиметата, природни и свежи на прв поглед, можат да направат штета со својата ниска pH вредност.
И на крај – нешто што ретко се спомнува, но е најштетно од сѐ: повраќањето на храна. Киселината што доаѓа од желудникот директно го напаѓа емајлот и може неповратно да го оштети.
Нашата насмевка може да изгледа силна, но е поподложна отколку што мислиме. Понекогаш најголемите опасности не доаѓаат однадвор – туку од секојдневните навики што ги повторуваме без да размислиме.
