До полицијата имало пријава дека од дворот на училиштето била одземена спомен биста на Ѓорѓија Пулевски, но и дека биле украдени две бронзени бисти од Градските гробишта „Бутел“.
„На 12.5.2025 во 9.30 часот во СВР Скопје, од ЈП ‘Паркови и зеленило‘ било пријавено дека во Градски парк, кај бараките на Град Скопје, бил одземен споменикот на Крсте Петков Мисирков, а спомен-бистата на Кочо Рацин била оштетена“, соопшти МВР.
Истиот ден е пријавено дека од дворот на Основното училиште „Ѓорѓија Пулевски“ во Општина Аеродром е одземена и спомен-биста на Ѓорѓија Пулевски.
Од МВР информираат дека се преземаат мерки за расчистување на случаите.
