Двајца германски туристи се заглавени во карпа на планината Дурмитор, во Црна Гора, и во моментов се одвива итна операција за нивно спасување. Информацијата ја потврди Црногорската планинска спасувачка служба, која објави на својот официјален Фејсбук профил дека двајцата се затрупани помеѓу врвовите Боготов Кук и Безимени Врх.
Повикот за помош бил испратен преку оперативниот центар OKC 112 на Дирекцијата за заштита и спасување при Министерството за внатрешни работи на Црна Гора. Спасувачките екипи веднаш реагирале и започнале со напорни активности за да ги ослободат туристите од опасната ситуација.
Дурмитор е позната планина со тешко пристапен и карпест терен, па ваквите инциденти бараат професионален и брз одговор. Засега нема дополнителни информации за здравствената состојба на заглавените туристи, но спасувачките служби работат со целосна посветеност.
