Украинскиот претседател Володимир Зеленски в понеделник ќе го посети францускиот претседател Емануел Макрон во Париз, објави Канцеларијата на францускиот претседател.
Двајцата лидери ќе разговараат за „условите за праведен и траен мир“, по последните разговори во Женева и презентацијата на мировниот план на САД, соопшти Елисејската палата.
Зеленски последен пат ја посети француската престолнина на 17 ноември.
Минатата недела, САД му поставија ултиматум на Киев да ги прифати условите од договорот од 28 точки до Денот на благодарноста. Подоцна, документот беше омекнат со одвојување на најспорните прашања по интензивни дипломатски консултации во Женева и под притисок од европските сојузници на Украина.
